A Maronesa de Portugal gaña o mundial oficioso da carne de vacún disputado en Ames

Despois dunha dura competencia de máis de dous anos xa hai un veredicto final e a raza Maronesa, procedente de Portugal, é a gañadora do concurso para elixir á mellor carne do mundo entre diversos exemplares de 13 razas criadas nas mesmas condicións nunha finca de Trasmonte (Ames). O proxecto Fisterra Bovine World non termina aquí e antes de fin de ano volverá a iniciarse outro período de cría de gando con obxectivo de mellorar aínda máis a calidade da carne obtida. Nesta nova etapa só haberá cinco razas, entre elas dúas do país, a Rubia Galega e a Limiá, que obtiveron un lugar de honor entre as mellores vacas do mundo.

Fuente: Boisimo